इंदापूर, ७ ऑक्टोबर: इंदापूरमध्ये आज राष्ट्रवादी काँग्रेसचे अध्यक्ष शरद पवार यांचे जोरदार स्वागत करण्यात आले. हर्षवर्धन पाटील यांच्या नेतृत्वाखाली त्यांच्या कार्यकर्त्यांनी मोठ्या उत्साहात पवार साहेबांचे स्वागत केले. शरद पवार यांचे आगमन होताच इंदापूरमध्ये जल्लोषाचा माहोल निर्माण झाला.
शरद पवार सध्या इंदापूरमध्ये विविध कार्यक्रमांसाठी दाखल झाले असून, विद्या प्रतिष्ठानच्या मैदानावर त्यांनी आपल्या उपस्थितीची नोंद केली. थोड्याच वेळात इंदापूरच्या जुन्या मार्केट कमिटीच्या मैदानावर एक मोठी जाहीर सभा होणार आहे, ज्यामध्ये हर्षवर्धन पाटील यांचा राष्ट्रवादी काँग्रेसमध्ये जाहीर प्रवेश होणार आहे. (Indapur News Marathi)
हर्षवर्धन पाटील यांच्या कार्यकर्त्यांकडून यावेळी जोरदार जल्लोष पाहायला मिळाला. पवार साहेबांचे स्वागत करताना पाटील यांचे कार्यकर्ते मोठ्या संख्येने उपस्थित होते. या स्वागतानंतर पवार साहेब जाहीर सभेला उपस्थित राहणार असून, हा कार्यक्रम इंदापूरच्या राजकारणात मोठा महत्त्वाचा ठरणार आहे.