Bigg Boss Marathi Season 5 Grand Finale: ‘बिग बॉस मराठी’च्या पाचव्या सीझनने प्रेक्षकांमध्ये एक वेगळा ठसा उमटवला आहे. या सीझनमध्ये प्रत्येक स्पर्धकाने आपापल्या अनोख्या खेळाने प्रेक्षकांच्या मनावर राज्य केले. अवघ्या ७० दिवसांच्या प्रवासानंतर, आता सगळ्यांच्या नजरा या झगमगत्या ट्रॉफीच्या विजेत्यावर खिळल्या आहेत.
सुरज चव्हाण, अभिजीत सावंत आणि निकि तांबोळी टॉप 3 मध्ये
प्रेक्षकांच्या पसंतीस उतरलेले आणि टास्कमध्ये आघाडीवर असलेले अभिजीत सावंत, सूरज चव्हाण, निक्की तांबोळी, अंकिता प्रभू वालावलकर, धनंजय पोवार आणि जान्हवी किल्लेकर यांनी ग्रँड फिनालेमध्ये स्थान मिळवले आहे. या सहा सदस्यांमधून कोण बाजी मारणार, कोणाचं नाव ‘बिग बॉस मराठी’च्या प्रतिष्ठित ट्रॉफीवर कोरलं जाणार, याची उत्सुकता आता शिगेला पोहोचली आहे.
या सीझनमध्ये स्पर्धकांनी खेळात दाखवलेली टॅक्टिक्स, आक्रमकता, आणि एकमेकांशी असलेल्या नात्यांनी प्रेक्षकांना पूर्णपणे गुंतवून ठेवलं आहे. शेवटच्या क्षणी कोण विजयी ठरणार हे पाहण्यासाठी सर्वजण आतुर आहेत, आणि प्रेक्षकांसाठी हा ग्रँड फिनाले एक मेजवानी ठरणार आहे.